Sabunçu rayonu Mastağa qəsəbəsi 209 saylı tam orta məktəbdə Azərbaycan Respublikasının bayrağının cırılmış vəziyyəti sakinlər tərəfindən qəbul olunmadığından bununla bağlı həmin ərazidə yaşayan vətəndaşlar tərəfindən xoşagəlməz görüntülər çəkilib bizim saytın “MOZALANTV.AZ”-ın qaynar xəttinin vatçap mobil nömrəsinə göndərilib.
Bizdə dərhal məsələylə bağlı səsləndirilən iddiaların əsaslı olub-olmadığını araşdırmaq üçün adı çəkilən məktəbə yollandıq və gördüyümüz mənzərə bir o qədər də ürəkaçan olmadı. Belə ki, məktəbin direktoru Sabahət Ağayeva iş saatının olmasına baxmayaraq, iş kabinetində deyildi. Buna baxmayaraq, özünü bizə direktorun katibəsi kimi təqdim edən xanım üçün gəlişimiz heç də xoşagələn olmadı. Həmin katibə ilə bir az yolüstü söhbətdən sonra bizi məktəbin direktor müavini Xatirə müəlimə qəbul etdi və direktorun hal-hazırda işdə olduğunu və bizimlə tez bir zamanda əlaqə saxlayacağını bildirdi.
Bəli, direktor bizimlə qeyri-iş saatlarında əlaqə saxladı. Necə deyərlər, “həm suçlu-həm güclü” prinsipi ilə, aqressiv və bir az da kobud davranışla “siz kimsiz ki, bura gəlmisiniz? Biz bura gələn mətbuat işçilərin başına nə oyun açırıq bilirsinizmi? “-sualını hədə-qorxu ilə səsləndirdi.
Təbii ki, biz də media olaraq Müqəddəs Azərbaycan Bayrağımızın cırılmış solmuş və illərlə dəyişilmədiyinə kəskin şəkildə iradımızı bildirdik və həmçinin bununla bağlı videogörüntülərin olduğunu bildirdik.
Direktor bizə kinayə ilə “gedin nə istəyirsiniz edin. Belə çox ürəyiniz yanırsa, bayraq tək mənim deyil ki, alın gətirin dəyişin”-deyərək sözünü bitirdi.
Bizə isə sonda onu deyə bilərik ki, Azərbaycan Respublikasının Müqəddəs üçrəngli bayrağı təkcə mənim, sənin, onundur deyə belə bir cümlə ilə yazılmış hər hansı mövcud olan bir qanun yoxdur.
Bu müqəddəs bayraq ilk öncə dövlətə məxsusdur. Bu bayrağı qorumaq isə hər bir azərbaycanlı vətəndaşın müqəddəs borcudur. Odur ki, vətənə olan borcumuzu unutmayaq!
Məsələylə bağlı qarşı tərəfin mövqeyini dərc etməyə hazırıq.
MOZALANTV.AZ
